Rúmenskur landsliðsmaður lést

Antonio Alexe, fyrirliði Asesoft Ploiesti og rúmenska landsliðsins í körfuknattleik, fórst í bílslysi 20. janúar sl. Aleze, sem var 35 ára að aldri, var á heimleið eftir leik liðs síns gegn Spartak Euroins í bikarkeppni Evrópu þegar slysið átti sér stað. Alexe var dáður í heimalandi sínu og er búist við að þúsundir aðdáenda muni fjölmenna í jarðarför kappans. Alexe var ekki í rúmenska liðinu þegar liðið mætti Íslendingum í Evrópukeppni landsliða í september í fyrra.