Leiknismenn hafa fengið liðsstyrk fyrir átökin í Pepsi-deild karla en í dag fengu Breiðhyltingar Amath André Diedhiou á láni frá FH. Þetta kemur fram á Fótbolta.net.
Diedhiou, sem er 25 ára gamall Senegali, kom til FH í vetur en illa gekk að fá leikheimild fyrir hann. Hún fékkst þó loks á miðvikudaginn.
Diedhiou gæti leikið sinn fyrsta leik fyrir Leikni þegar nýliðarnir sækja Íslandsmeistara Stjörnunnar heim í 3. umferð Pepsi-deildarinnar á sunnudaginn.
Kamerúnski bakvörðurinn Charley Fomen gæti einnig leikið sinn fyrsta leik með Leikni á sunnudaginn en hann fékk leikheimild með liðinu á dögunum.
FH lánar Diedhiou til Leiknis
