Eldræða dúx um þungunarrof í Texas vakti gífurlega athygli Samúel Karl Ólason skrifar 3. júní 2021 22:16 Paxton Smith í pontu á útskriftarafhöfn hennar á sunnudaginn. Paxton Smith, dúx Lake Highlands skólans í Texas, hætti við að halda þá ræðu sem skólastjórnendur höfðu samþykkt og hélt þess í stað ræðu um lög um þungunarrof í ríkinu íhaldssama. Eldræða hennar, þar sem hún talaði um „stríð gegn líkömum og réttindum“ hennar og annarra stúlkna og kvenna, hefur náð gífurlegri dreifingu á netinu. Upprunalega ætlaði Smith að tala um fjölmiðla í ræðu sinni á sunnudaginn en þess í stað talaði hún um ný lög í Texas og sagði ókunnuga menn hafa tekið ákvörðun sem breytti lífum hennar og annarra kvenna. „Ég á mér drauma, vonir og metnað. Það sama á við hverja stúlku sem er að útskrifast í dag,“ sagði Smith. „Við höfum unnið hörðum höndum að framtíð okkar og án aðkomu okkar eða samþykkis höfum við verið sviptar stjórn yfir framtíðinni.“ Hún sagðist lafandi hrædd við það að getnaðarvarnir virkuðu ekki sem skyldi eða henni yrði nauðgað. Þá skiptu draumar hennar, vonir og metnaður ekki lengur máli. Hlusta má á ræðu Smith í spilaranum hér að neðan. Greg Abbott, ríkisstjóri Texas, skrifaði nýverið undir umdeilt lagafrumvarp Repúblikana í Texas, sem snýr að því að banna þungunarrof eftir sex vikna óléttu. Flestar konur vita ekki að þær séu óléttar innan sex vikna og í lögunum er engin undanþága gefin vegna nauðgunar eða sifjaspells. Þessi lög eru kölluð hjartsláttar-lögin þar sem hægt er að nota háþróaða tækni til að greina rafbylgjur frá fósturvísum eftir sex vikur, jafnvel þó fósturvísir sé ekki skilgreindur sem fóstur fyrr en í upphafi elleftu viku óléttu. Lögin, sem eiga að taka gildi í september, eru með þeim ströngustu í Bandaríkjunum, samkvæmt frétt New York Times. Þau eru sömuleiðis einstök að því leyti að samkvæmt þeim má hver sem er höfða mál gegn einhverjum sem á að hafa framkvæmt eða aðstoðað við þungunarrof. Gagnrýnendur þeirra segja að andstæðingar þungunarrofs muni geta notað réttarkerfið til að láta lögsóknum rigna yfir lækna, hjúkrunarfræðinga, sjúklinga og jafnvel vini sem keyra konur í þungunarrof eða foreldra sem greiða fyrir slíka aðgerð, samkvæmt AP fréttaveitunni. Féll ekki í kramið hjá öllum Ræðan hefur eins og áður segir vakið mikla athygli og hefur verið fjallað um hana í stærstu fjölmiðlum vestanhafs. Eðli málsins samkvæmt hefur ræða Smith ekki fallið í kramið hjá öllum en samkvæmt AP fréttaveitunni ætla embættismenn sem stýra skólakerfi Lake Higlands að endurskoða reglurnar og framkvæmd ræðu þess sem verður dúx næsta árs. Smith sagðist í samtali við AP ekki hafa getað flutt sína upprunalegu ræðu. Hún hafi verið að reyna að klára ákveðið verkefni í aðdraganda útskriftarhátíðarinnar en ekki getað hætt að hugsa um lögin nýju. Þá sagðist hún hafa óttast að slökkt yrði á hljóðnema hennar og að henni yrði mögulega ekki afhent prófskírteini hennar. Ekki var slökkt á hljóðnemanum en henni var tilkynnt að forsvarsmenn skólans hefðu rætt sín á milli um að afhenda henni ekki prófskírteinið. Þá sagði hún viðbrögðin við ræðunni hafa komið sér verulega á óvart. Henni hefur verið deilt víða á samfélagsmiðlum og þar á meðal af Hillary Clinton, fyrrverandi utanríkisráðherra Bandaríkjanna og forsetaframbjóðenda. This took guts. Thank you for not staying silent, Paxton. https://t.co/DlwEgmMRGN— Hillary Clinton (@HillaryClinton) June 2, 2021 Nokkur önnur ríki Bandaríkjanna hafa tekið upp lög sem meina þungunarrof eftir sex vikur en alríkisdómstólar hafa að mestu komið í veg fyrir að þessi lög taki gildi. Hæstiréttur Bandaríkjanna samþykkti hins vegar nýverið að taka fyrir lög í Mississippi sem banna þungunarrof eftir fimmtán vikur. Verði niðurstaða Hæstaréttar í því máli í takt við andstæðinga þungunarrofs gæti það leitt til enn meiri takmarkana víðsvegar um Bandaríkin. Dómarar skipaðir af Repúblikönum eru í meirihluta í Hæstarétti Bandaríkjanna. Sjá einnig: Tekur upp mál sem gæti takmarkað rétt kvenna til þungunarofs Hæstiréttur mun líklegast taka málið upp í haust og búist er við niðurstöðu næsta vor. Bandaríkin Þungunarrof Mest lesið Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent „Fordæmalaus hitabylgja“ leikur Skandínava grátt Erlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Læti í miðbænum og í veðrinu Innlent Þjóðhátíðargestum hleypt inn í Herjólfshöll meðan veðrið gengur yfir Innlent Hávaðarok á Snæfellsnesi og Faxaflóa Innlent Að bugast á hálf nöktum ferðamönnum og beita sektum Erlent Breyti engu á jörðu niðri að viðurkenna sjálfstæði Palestínu Erlent Fleiri fréttir Að bugast á hálf nöktum ferðamönnum og beita sektum „Fordæmalaus hitabylgja“ leikur Skandínava grátt Maxwell flutt í þægilegra fangelsi Breyti engu á jörðu niðri að viðurkenna sjálfstæði Palestínu Trump ræsir út kjarnorkukafbáta eftir „ögrandi“ ummæli Rússa „Clinton áætlunin“ líklega tilbúningur rússneskra njósnara „Ekki taka. Endurheimta. Þetta er okkar“ Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls Sjá meira
Upprunalega ætlaði Smith að tala um fjölmiðla í ræðu sinni á sunnudaginn en þess í stað talaði hún um ný lög í Texas og sagði ókunnuga menn hafa tekið ákvörðun sem breytti lífum hennar og annarra kvenna. „Ég á mér drauma, vonir og metnað. Það sama á við hverja stúlku sem er að útskrifast í dag,“ sagði Smith. „Við höfum unnið hörðum höndum að framtíð okkar og án aðkomu okkar eða samþykkis höfum við verið sviptar stjórn yfir framtíðinni.“ Hún sagðist lafandi hrædd við það að getnaðarvarnir virkuðu ekki sem skyldi eða henni yrði nauðgað. Þá skiptu draumar hennar, vonir og metnaður ekki lengur máli. Hlusta má á ræðu Smith í spilaranum hér að neðan. Greg Abbott, ríkisstjóri Texas, skrifaði nýverið undir umdeilt lagafrumvarp Repúblikana í Texas, sem snýr að því að banna þungunarrof eftir sex vikna óléttu. Flestar konur vita ekki að þær séu óléttar innan sex vikna og í lögunum er engin undanþága gefin vegna nauðgunar eða sifjaspells. Þessi lög eru kölluð hjartsláttar-lögin þar sem hægt er að nota háþróaða tækni til að greina rafbylgjur frá fósturvísum eftir sex vikur, jafnvel þó fósturvísir sé ekki skilgreindur sem fóstur fyrr en í upphafi elleftu viku óléttu. Lögin, sem eiga að taka gildi í september, eru með þeim ströngustu í Bandaríkjunum, samkvæmt frétt New York Times. Þau eru sömuleiðis einstök að því leyti að samkvæmt þeim má hver sem er höfða mál gegn einhverjum sem á að hafa framkvæmt eða aðstoðað við þungunarrof. Gagnrýnendur þeirra segja að andstæðingar þungunarrofs muni geta notað réttarkerfið til að láta lögsóknum rigna yfir lækna, hjúkrunarfræðinga, sjúklinga og jafnvel vini sem keyra konur í þungunarrof eða foreldra sem greiða fyrir slíka aðgerð, samkvæmt AP fréttaveitunni. Féll ekki í kramið hjá öllum Ræðan hefur eins og áður segir vakið mikla athygli og hefur verið fjallað um hana í stærstu fjölmiðlum vestanhafs. Eðli málsins samkvæmt hefur ræða Smith ekki fallið í kramið hjá öllum en samkvæmt AP fréttaveitunni ætla embættismenn sem stýra skólakerfi Lake Higlands að endurskoða reglurnar og framkvæmd ræðu þess sem verður dúx næsta árs. Smith sagðist í samtali við AP ekki hafa getað flutt sína upprunalegu ræðu. Hún hafi verið að reyna að klára ákveðið verkefni í aðdraganda útskriftarhátíðarinnar en ekki getað hætt að hugsa um lögin nýju. Þá sagðist hún hafa óttast að slökkt yrði á hljóðnema hennar og að henni yrði mögulega ekki afhent prófskírteini hennar. Ekki var slökkt á hljóðnemanum en henni var tilkynnt að forsvarsmenn skólans hefðu rætt sín á milli um að afhenda henni ekki prófskírteinið. Þá sagði hún viðbrögðin við ræðunni hafa komið sér verulega á óvart. Henni hefur verið deilt víða á samfélagsmiðlum og þar á meðal af Hillary Clinton, fyrrverandi utanríkisráðherra Bandaríkjanna og forsetaframbjóðenda. This took guts. Thank you for not staying silent, Paxton. https://t.co/DlwEgmMRGN— Hillary Clinton (@HillaryClinton) June 2, 2021 Nokkur önnur ríki Bandaríkjanna hafa tekið upp lög sem meina þungunarrof eftir sex vikur en alríkisdómstólar hafa að mestu komið í veg fyrir að þessi lög taki gildi. Hæstiréttur Bandaríkjanna samþykkti hins vegar nýverið að taka fyrir lög í Mississippi sem banna þungunarrof eftir fimmtán vikur. Verði niðurstaða Hæstaréttar í því máli í takt við andstæðinga þungunarrofs gæti það leitt til enn meiri takmarkana víðsvegar um Bandaríkin. Dómarar skipaðir af Repúblikönum eru í meirihluta í Hæstarétti Bandaríkjanna. Sjá einnig: Tekur upp mál sem gæti takmarkað rétt kvenna til þungunarofs Hæstiréttur mun líklegast taka málið upp í haust og búist er við niðurstöðu næsta vor.
Bandaríkin Þungunarrof Mest lesið Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent „Fordæmalaus hitabylgja“ leikur Skandínava grátt Erlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Læti í miðbænum og í veðrinu Innlent Þjóðhátíðargestum hleypt inn í Herjólfshöll meðan veðrið gengur yfir Innlent Hávaðarok á Snæfellsnesi og Faxaflóa Innlent Að bugast á hálf nöktum ferðamönnum og beita sektum Erlent Breyti engu á jörðu niðri að viðurkenna sjálfstæði Palestínu Erlent Fleiri fréttir Að bugast á hálf nöktum ferðamönnum og beita sektum „Fordæmalaus hitabylgja“ leikur Skandínava grátt Maxwell flutt í þægilegra fangelsi Breyti engu á jörðu niðri að viðurkenna sjálfstæði Palestínu Trump ræsir út kjarnorkukafbáta eftir „ögrandi“ ummæli Rússa „Clinton áætlunin“ líklega tilbúningur rússneskra njósnara „Ekki taka. Endurheimta. Þetta er okkar“ Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Maxwell vill friðhelgi fyrir vitnisburðinn Vill greiða sex milljarða tryggingu til að losna úr haldi Pokrovsk riðar til falls Sjá meira