Á skilorði vegna mótmæla við Alþingishúsið Tryggvi Páll Tryggvason skrifar 21. september 2021 11:01 Jón Steindór Valdimarsson þingmaður Viðreisnar var einn þeirra sem smokraði sér hjá varnarlínu mótmælenda. Vísir/Egill Mótmælandi sem var handtekinn eftir mótmæli No Borders við Alþingishúsið í mars árið 2019 er kominn á skilorð fyrir að hafa óhlýðnast fyrirmælum lögreglu um að færa sig frá aðalinngangi Alþingis við umrædd mótmæli. Mótmælandinn var sýknaður af því að hafa hindrað störf lögreglu á vettvangi. Þetta er niðurstaða Héraðsdóms Reykjavíkur í máli mótmælandans sem ákærður var fyrir að hafa óhlýðnast lögreglu á fyrrgreindan hátt. Var hann einnig ákærður fyrir að hafa hindrað lögreglumenn að störfum með því að stíga í veg fyrir þá er þeir voru að færa annan mótmælanda sem hafði verið handtekinn í átt að lögreglubíl á vettvangi. Mótmælin voru haldin 19. mars árið 2019 á vegum No Borders samtakanna. Verið var að mótmæla aðgerðum stjórnvalda sem tengjast brottvísum umsækjanda um alþjóðlega vernd. Tóku mótmælendur sér stöðu fyrir framan inngang Alþingishússins til að takmarka aðgengi að húsinu. Þrír handteknir Lögregla handtók að lokum þrjá mótmælendur fyrir að hafa ekki hlýtt fyrirmælum lögreglu þegar þeir voru beðnir um að færa sig frá innganginum. Á meðal lykilgagna í dómsmálinu var myndbandið sem sjá má hér að neðan. Var það birt á vef Fréttablaðsins og sýnir aðgerðir lögreglu á vettvangi og viðbrögð mótmælenda við þeim. Í dómi héraðsdóms segir að myndbandið sýni að lögregla hafi endurtekið gefið fyrirmæli og viðvaranir á íslensku þess efnis að mótmælendur ættu að að færa sig frá aðalinnganginum. Þá sjáist þegar mótmælendurnir virðist ekki fara eftir fyrirmælum lögreglu um að færa sig frá. Einnig sjáist þar sem mótmælendurnir standi að mestu kyrrir með hendur upp í loft með framvísandi lófa. Átti þátt í að trufla aðgengi Í niðurstöðukafla dómsins segir að gögn málsins sýni að mótmælendurnir hafi með háttsemi sinni truflað aðgengi að Alþingishúsinu. Lögregla hafi gefið mótmælendum fyrirmæli um að víkja frá aðalinnganginum. Brugðist hafi verið við þeim fyrirmælum með því að hópurinn færði sig lítils háttar til hliðar á meðan aðrir úr hópnum færðu sig endurtekið aftur að inngangunum. Segir í dóminum að líta verði svo á að mótmælandinn sem ákærður var í málinu hafi átt þátt í að trufla aðgengi að Alþingishúsinu og þar með óhlýðnast fyrirmælum lögreglu um að færa sig frá innganginum. Stuttu síðar var hann handtekinn eftir að hann steig í veg fyrir lögreglumenn, gekk hægt aftur á bak fyrir framan þá á meðan lögreglumennirnir voru að færa annann mótmælanda sem handtekinn hafði verið í lögreglubíl. Meðlimir No Borders mótmæltu fyrir framan Alþingishúsið í mars 2019.Vísir/Egill Fyrir dómi sagði mótmælandinn að fyrir honum hafi aðeins vakað að leita skýringa á því af hverju annar mótmælandi hafði verið handtekinn, hann hafi ekki ætlað að stöðva eða hindra handtökuna. Átti sér ýmsar málsbætur Svo virðist sem að myndbandið hafi leikið lykilhlutverk í málinu en í niðurstöðukafla dómsins segir að á upptökunni megi sjá að umræddur mótmælandi hafi stigið í veg fyrir lögreglumenn, gengið hægt aftur á bak fyrir framan þá, á meðan þeir voru að færa hina handteknu í lögreglubíl. Samrýnist þetta einnig vitnisburði aðalvarðstjóra í málinu. Féllst héraðsdómur á það að með þessari háttsemi hafi mótmælandinn hindrað lögreglumenn að störfum. Engu að síður var mótmælandinn sýknaður af þessum hluta ákærunnar en í dómi héraðsdóms segir að almennt séð séu slík brot sótt sem brot gegn valdstjórninni, það hafi hins vegar ekki verið gert í þessu máli. Í dómi héraðsdóms segir að mótmælandinn hafi sér ýmislegt til málsbóta. Hann hafi ekki áður gerst brotlegur við refsilög, tafir hafi orðið á meðferð málsins, auk þess sem að fyrir honum hafi vakað að standa vörð um mannúð og velferð fólks. Þá hafi ekkert komið fram um að hætta eða tjón hafi hlotist af háttsemi hans. Var það því niðurstaða héraðsdóms að fresta skuli ákvörðun refsingar í eitt ár haldi mótmælandinn skilorð. Að einu ári liðni fellur refsingin niður. Alls þarf mótmælandinn að greiða 275 þúsund krónur í sakarkostnað. Dómsmál Alþingi Hælisleitendur Lögreglumál Reykjavík Mest lesið Mikið viðbragð vegna umferðarslyss Innlent Epstein-skjölin og Trump: Eitthvað virðist rotið í Danaveldi Erlent Aron Can heill á húfi Innlent Hneig niður vegna flogakasts Innlent Tekist á um þéttingu byggðar: „Þá getur þú bara flutt til Kaupmannahafnar“ Innlent Ísraelskur ráðherra kynnir áform um þjóðernishreinsun á Gasa Erlent „Góðu fréttirnar eru að það sem hann segir skiptir engu máli“ Erlent Hundurinn gerði vart um mann sem stóð og starði inn Innlent Lögreglan leitar tveggja manna Innlent ESB leggur til tolla á Ísland: „Þetta er bara tillaga sem er á borðinu“ Innlent Fleiri fréttir Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Innan við þriðjungur andvígur olíuleit Ætlar fyrir Mannréttindadómstólinn og segir fréttaflutning villandi Sjá meira
Þetta er niðurstaða Héraðsdóms Reykjavíkur í máli mótmælandans sem ákærður var fyrir að hafa óhlýðnast lögreglu á fyrrgreindan hátt. Var hann einnig ákærður fyrir að hafa hindrað lögreglumenn að störfum með því að stíga í veg fyrir þá er þeir voru að færa annan mótmælanda sem hafði verið handtekinn í átt að lögreglubíl á vettvangi. Mótmælin voru haldin 19. mars árið 2019 á vegum No Borders samtakanna. Verið var að mótmæla aðgerðum stjórnvalda sem tengjast brottvísum umsækjanda um alþjóðlega vernd. Tóku mótmælendur sér stöðu fyrir framan inngang Alþingishússins til að takmarka aðgengi að húsinu. Þrír handteknir Lögregla handtók að lokum þrjá mótmælendur fyrir að hafa ekki hlýtt fyrirmælum lögreglu þegar þeir voru beðnir um að færa sig frá innganginum. Á meðal lykilgagna í dómsmálinu var myndbandið sem sjá má hér að neðan. Var það birt á vef Fréttablaðsins og sýnir aðgerðir lögreglu á vettvangi og viðbrögð mótmælenda við þeim. Í dómi héraðsdóms segir að myndbandið sýni að lögregla hafi endurtekið gefið fyrirmæli og viðvaranir á íslensku þess efnis að mótmælendur ættu að að færa sig frá aðalinnganginum. Þá sjáist þegar mótmælendurnir virðist ekki fara eftir fyrirmælum lögreglu um að færa sig frá. Einnig sjáist þar sem mótmælendurnir standi að mestu kyrrir með hendur upp í loft með framvísandi lófa. Átti þátt í að trufla aðgengi Í niðurstöðukafla dómsins segir að gögn málsins sýni að mótmælendurnir hafi með háttsemi sinni truflað aðgengi að Alþingishúsinu. Lögregla hafi gefið mótmælendum fyrirmæli um að víkja frá aðalinnganginum. Brugðist hafi verið við þeim fyrirmælum með því að hópurinn færði sig lítils háttar til hliðar á meðan aðrir úr hópnum færðu sig endurtekið aftur að inngangunum. Segir í dóminum að líta verði svo á að mótmælandinn sem ákærður var í málinu hafi átt þátt í að trufla aðgengi að Alþingishúsinu og þar með óhlýðnast fyrirmælum lögreglu um að færa sig frá innganginum. Stuttu síðar var hann handtekinn eftir að hann steig í veg fyrir lögreglumenn, gekk hægt aftur á bak fyrir framan þá á meðan lögreglumennirnir voru að færa annann mótmælanda sem handtekinn hafði verið í lögreglubíl. Meðlimir No Borders mótmæltu fyrir framan Alþingishúsið í mars 2019.Vísir/Egill Fyrir dómi sagði mótmælandinn að fyrir honum hafi aðeins vakað að leita skýringa á því af hverju annar mótmælandi hafði verið handtekinn, hann hafi ekki ætlað að stöðva eða hindra handtökuna. Átti sér ýmsar málsbætur Svo virðist sem að myndbandið hafi leikið lykilhlutverk í málinu en í niðurstöðukafla dómsins segir að á upptökunni megi sjá að umræddur mótmælandi hafi stigið í veg fyrir lögreglumenn, gengið hægt aftur á bak fyrir framan þá, á meðan þeir voru að færa hina handteknu í lögreglubíl. Samrýnist þetta einnig vitnisburði aðalvarðstjóra í málinu. Féllst héraðsdómur á það að með þessari háttsemi hafi mótmælandinn hindrað lögreglumenn að störfum. Engu að síður var mótmælandinn sýknaður af þessum hluta ákærunnar en í dómi héraðsdóms segir að almennt séð séu slík brot sótt sem brot gegn valdstjórninni, það hafi hins vegar ekki verið gert í þessu máli. Í dómi héraðsdóms segir að mótmælandinn hafi sér ýmislegt til málsbóta. Hann hafi ekki áður gerst brotlegur við refsilög, tafir hafi orðið á meðferð málsins, auk þess sem að fyrir honum hafi vakað að standa vörð um mannúð og velferð fólks. Þá hafi ekkert komið fram um að hætta eða tjón hafi hlotist af háttsemi hans. Var það því niðurstaða héraðsdóms að fresta skuli ákvörðun refsingar í eitt ár haldi mótmælandinn skilorð. Að einu ári liðni fellur refsingin niður. Alls þarf mótmælandinn að greiða 275 þúsund krónur í sakarkostnað.
Dómsmál Alþingi Hælisleitendur Lögreglumál Reykjavík Mest lesið Mikið viðbragð vegna umferðarslyss Innlent Epstein-skjölin og Trump: Eitthvað virðist rotið í Danaveldi Erlent Aron Can heill á húfi Innlent Hneig niður vegna flogakasts Innlent Tekist á um þéttingu byggðar: „Þá getur þú bara flutt til Kaupmannahafnar“ Innlent Ísraelskur ráðherra kynnir áform um þjóðernishreinsun á Gasa Erlent „Góðu fréttirnar eru að það sem hann segir skiptir engu máli“ Erlent Hundurinn gerði vart um mann sem stóð og starði inn Innlent Lögreglan leitar tveggja manna Innlent ESB leggur til tolla á Ísland: „Þetta er bara tillaga sem er á borðinu“ Innlent Fleiri fréttir Vill bjóða borgarstjóra í vöfflukaffi eftir deilurnar Ósammála Náttúrufræðistofnun og segja veiðar á lunda forsvaranlegar Eldri borgar í Vogum leiddu knattspyrnumenn inn á völlinn ESB leggur til tolla á Ísland: „Þetta er bara tillaga sem er á borðinu“ Uppsagnir sjómanna í Grindavík: „Hvenær er nóg, nóg?“ Vilja innlima Vesturbakkann og deilu um göngustíg lýkur með vöfflum Handtekinn vegna ólöglegs vopnaburðar Bilun í flugstjórn olli um tveggja tíma seinkun Mikið viðbragð vegna umferðarslyss Keyrt á íslenska stráka á Ólympíuhátíð Ekki þeir sömu og voru handteknir vegna fyrri þjófnaðarins Minni helst á þjóðarmorð Serba á múslimum í Bosníu Hneig niður vegna flogakasts Tekist á um þéttingu byggðar: „Þá getur þú bara flutt til Kaupmannahafnar“ Lögreglan leitar tveggja manna Frakkar viðurkenna Palestínu og stjórnarandstaðan á Alþingi mælist illa í nýrri könnun Óánægja með stjórnarandstöðuna eykst hressilega Amgen sver af sér njósnir um starfsfólk Íslenskrar erfðagreiningar Hundurinn gerði vart um mann sem stóð og starði inn Hægt nokkuð á virkninni frá því í gærmorgun Aron Can heill á húfi „Sorglega lítið eftir“ þegar sundkappinn var stöðvaður Ljóst að stjórnarandstaðan græddi ekki á „kjarnorkuákvæðinu“ Ólíðandi að fá sektir aftur og aftur Svona vindmyllur vill ráðherra fá samþykktar ofan Gilsfjarðar Tónleikar stöðvaðir vegna veikinda Arons Can Launaði neitun á gistingu með löðrungi Óvinsældir eftir þinglok og meint leyndarmál frönsku forsetahjónanna Innan við þriðjungur andvígur olíuleit Ætlar fyrir Mannréttindadómstólinn og segir fréttaflutning villandi Sjá meira