Bent er á að áfram verði þó hægt að kaupa fargjöld með reiðufé í móttöku Strætó, Hesthálsi 14. Um 2,3 prósent viðskiptavina greiða nú með reiðufé um borð í Strætó.
Þá er einnig bent á að úrval greiðslumöguleika í Strætó hafi aukist. Til dæmis er hægt að greiða snertilaust með greiðslukorti um borð í öllum vögnum innan höfuðborgarsvæðisins.
Það er líka hægt að kaupa Klapp tíur og Klapp kort með reiðufé á sölustöðum Strætó og kemur fram í tilkynningunni að samhliða þessari breytingu verði sölustöðum fjölgað. Frá og með 1. júní verður því hægt að kaupa Klapp tíur og kort í flestum sundlaugum innan Reykjavíkur.
Vanti viðskiptavinum aðstoð vegna þessara breytingar er þeim í tilkynningu bent á að hafa samband við þjónustuver Strætó í síma 540 2700.
