Erlent
Schüssel viðurkennir ósigur í þingkosningum
Wolfgang Schüssel, kanslari Austurríkis, viðurkenndi í dag að hægri flokkur hans hefði „líklega" tapað í þingkosningunum sem þar fóru fram í dag. Sagði hann niðurstöður talningar benda til þess að sósíaldemókratar undir forystu Alfreds Gusenbauers hefðu farið með sigur af hólmi og óskaði hann Gusenbauer til hamingju með sigurinn.
Meintir talibanar handteknir í Pakistan
Pakistönsk lögregla handtók í dag sex meinta uppreisnarmenn úr röðum talibana. Mennirnir voru gripnir á einkasjúkrahúsi í borginni Quetta þangað sem þeir höfðu leitað aðstoðar eftir að hafa særst í átökum í suðurhluta Afganistans.
Átök milli Hamas-liða og manna hliðhollum Abbas
Fimm Palestínumenn hafa fallið og að minnsta kosti 60 særst í bardögum á milli byssumanna hliðhollum Hamas-samtökunum og lögreglu og opinberum starfsmönnum sem styðja Fatah-hreyfingu Mahmouds Abbas, forseta Palestínu, í Gasaborg í dag.
Fimm létust þegar hraðbraut hrundi í Kanada
Fimm manns létust þegar hraðbraut í Montreal í Kanada hrundi í gær. Fólkið var allt í tveimur bílum á vegi undir hraðbrautinni sem krömdust þegar brautin hrundi. Björgunarmenn voru að störfum í alla nótt til þess að ná bílunum undan rústunum en auk þeirra fimm sem létust slösuðust sex, þar af þrír alvarlega.
Útlit fyrir að stjórn Schüssels sé fallin
Svo virðist sem stjórn Wolfgangs Schüssels, kanslara Austurríkis, sé fallin í þingkosningum sem fram fóru í landinu í dag. Kjörfundi lauk í landinu nú klukkan þrjú að íslenskum tíma og fyrstu spár benda til þess að sósíaldemókratar undir forystu Alfreds Gusenbaurs hafi naumt forskot á hægri flokk Schüssels, 36 prósent atkvæða á móti 35 prósentum.
September sá heitasti í Bretlandi frá upphafi
Útlit er fyrir að nýliðinn september verði sá heitasti í Bretlandi frá því að veðurmælingar hófust, eða 15,4 gráður. Er það 0,7 gráðum heitara en í september árið 1949. Veðurstofa Bretlands mun á morgun staðfesta metið sem er rúmum þremur gráðum hærra en langtímameðaltal.
Fellibylurinn Xangsane veldur usla í Víetnam
Að minnsta kosti sjö eru látnir eftir að fellibylurinn Xangsane gekk á land í Mið-Víetnam í morgun. Húsþök fuku, tré rifnuðu upp með rótum og rafmagnslínur slitnuðu þegar fellibylurinn kom að landi en yfirvöld í Víetnam höfðu gert töluverðar ráðstafanir og flutt burt um tvö hundruð þúsund manns.
Þriggja daga þjóðarsorg í Brasilíu í kjölfar flugslyss
Luis Inacio Lula da Silva, forseti Brasilíu, hefur lýst yfir þriggja daga þjóðarsorg í landinu eftir að farþegaflugvél með 155 manns innanborðs hrapaði í skógum Amason í fyrradag.
Birti myndband með Mohammed Atta í fyrsta sinn
Myndband af Mohammed Atta, manninum sem flaug vél inn í annan turnanna í World Trade Center 11. september 2001, hefur verið birt á Netinu í fyrsta sinn.
Nýr forsætisráðherra svarinn í embætti í Taílandi
Fyrrverandi hershöfðinginn Surayud Chulanont var í dag svarinn í embætti forsætisráðherra Taílands, tæpum tveimur vikum eftir valdarán hersins þar í landi.
Fjörtíu taldir látnir eftir að stífla brast í N-Nígeríu
Óttast er að fjörutíu manns hafi látist þegar stífla gaf sig nærri þorpi í Norður-Nígeríu í gær. Fram kemur í nígerískum fjölmiðlum að starfsfólki við stífluna hafi ekki tekist að opna fyrir hjáleið fyrir vatnið á bak við stífluna eftir gríðarlegar rigningar á svæðinu að undanförnu og því hafi stíflan brostið.
Segir Georgíumenn ögra Rússum í skjóli vestrænna ríkja
Vladímír Pútín, forseti Rússlands, segir Georgíumenn reyna að ögra Rússum í skjóli verndar frá vestræðunum ríkjum í tenglsum við njósnadeilu landanna.
Ísraelsher farinn frá Líbanon
Síðustu ísraelsku hermennirnir yfirgáfu Líbanon seint í gærkvöldi. Þar með hefur einu grundvallarskilyrðinu fyrir vopnahléi milli Hizbollah og Ísraels, verið fullnægt.
Kosið víða um heim í dag
Kosningar verða víða um heim í dag. Í Brasilíu eru forsetakosningar og er búist við að núverandi forseti, Luis Ignacio "Lula" da Silva, beri sigur úr býtum. Í Bosníu og Austurríki eru þingkosningar. Í Austurríki sýna skoðanakannanir hnífjafnt fylgi hægri flokks Wolfgangs Schussels og vinstri flokks Alfreds Gusenbauers.
Hermenn komnir að flaki farþegaflugvélar í Amazon
Hermenn eru komnir að flaki farþegavélarinnar sem hrapaði í regnskógum Amazon á föstudag. 155 manns voru um borð og þótt björgunarsveit sé komin á staðinn, hefur ekki verið staðfest enn hvort einhverjir eftirlifendur séu. Það er þó talið ólíklegt.
PKK boðar einhliða vopnahlé á morgun
Kúrdíski Verkamannaflokkurinn PKK í Tyrklandi, sem barist hefur fyrir sjálfstæðu ríki Kúrda í suðausturhluta landsins, hefur lýst yfir einhliða vopnahléi sem hefst á morgun. Tilkynning þar að lútandi var gefin út í dag og er svar við ákalli leiðtoga samtakanna, Abdullah Öcalans, sem nú situr í fangelsi.
Fellibylurinn Xangsane nálgast Víetnam
Á annað hundrað þúsund manna hefur verið fluttur af heimilum sínum við strendur Mið-Víetnams vegna komu fellibyljarins Xangsane. Búist er við að hann taki land í kvöld eða snemma í fyrramálið og hefur innanlandsflugi einnig verið frestað af þeim sökum.
Fresta því að kalla lið sitt heim vegna njósnadeilu
Stjórnvöld í Rússlandi hafa frestað því að kalla herlið sitt heim frá nágrannaríkinu Georgíu í kjölfar deilna þjóðanna um meintar njósnir Rússa í landinu.
Fundu flak farþegavélar í Brasilíu
Björgunarvélar hafa fundið flak Boeing 737 farþegaflugvélarinnar sem leitað hefur verið að í regnskógum Amason í Brasilíu síðan í gær. Um borð voru 155 farþegar en ekki liggur fyrir hvort einhverjir hafi komist af.
Tólf látnir eftir sjálfsmorðsárás í Kabúl
Að minnsta kosti tólf eru látnir eftir sjálfsmorðsárás fyrir utan innanríkisráðuneyti Afganistans í höfuðborginni Kabúl í morgun. Haft er eftir talsmanni ráðuneytisins að 42 hafi slasast í árásinni, þar af tveir lögreglumenn.
Borat vekur athygli á Kasakstan
Forseti Kasakstans, Nursultan Nazarbayev er í opinberri heimsókn í Bandaríkjunum. Heimsóknin hefur vakið meiri athygli en venja er, vegna kvikmyndar breska leikarans Sacha Baron Cohen - sem er betur þekktur sem Ali G - um persónuna Borat, sem á að vera frá Kasakstan.
Sakar Pakistana um að standa á bak við árásir
Lögregla í Mumbai á Indlandi segir að pakistanska leyniþjónustan hafi staðið á bak við hryðjuverkaárásir á lestarkerfið í Mumbai þann ellefta júlí síðastliðinni.
Farþegaþotu saknað á Amason-svæðinu
Leit er hafin að Boeing 737 farþegaflugvél með að minnsta kosti 150 farþega innanborðs sem hvarf af ratsjám yfir regnskógum Amason í Brasilíu í gær. Vélin, sem var á vegum brasilíska flugfélagsins, Gol átti að lenda í borginni Brasilíu um sexleytið að staðartíma í gær en samband við hana rofnaði um hálffimm.
Reiðhjólin víkja fyrir bílum í Peking
Peking, höfuðborg Kína, hefur verið paradís hjólreiðamanna um áratugaskeið. Nú hafa tímarnir hins vegar breyst og tveggja hjóla fákar þurfa að víkja úr vegi fyrir fjögurra hjóla spúandi drekum.
Algjört útgöngubann í Bagdad
Stjórnvöld í Írak hafa sett á algjört útgöngubann í höfuðborginni Bagdad í dag. Í yfirlýsingu sem Nouri al-Maliki, forsætisráðherra Íraks, gaf út segir að útgöngubannið gildi til klukkan 18. Fólki er gert að halda sig innan dyra og öll umferð á götum borgarinnar er bönnuð.
Kjósendur hvattir til að refsa Gyurcsany í sveitarstjórnakosningum
Sveitarstjórnarkosningar verða í Ungverjalandi um helgina. Stjórnarandstöðuflokkarnir hafa hvatt kjósendur til að nýta tækifærið og láta í ljósi skoðun sína á Gyurcsany forsætisráðherra, en hann viðurkenndi á dögunum að hafa logið blákalt að þjóðinni um stöðu efnahagsmála til að sigra í þingkosningunum í apríl.
Segir Bush hafa tapað hryðjuverkastríðinu
Bush Bandaríkjaforseta er lyginn og honum hefur mistekist að sigra í stríðinu við al-Qaida. Þetta sagði Ayman al-Zawahri, næst æðsti maður al-Qaida samtakanna í myndbandsupptöku sem birt var í gær.
Útgöngubann í Írak
Stjórnvöld í Írak hafa ætla að setja á útgöngubann í Bagdad höfuðborg landsins á morgun. Í yfirlýsingu sem Nouri al-Maliki, forsætisráðherra Íraks, gaf út segir að útgöngubannið gildi frá miðnætti til klukkan 18:00 á morgun.
Börn ekki undanþegin dauðarefsingu
Börn undir átján ára aldri eiga alltaf að vera undanþegin dauðarefsingu að mati mannréttindasérfræðings Sameinuðu þjóðanna sem rannsakað hefur ofbeldi gegn börnum. Einnig eiga þeir sem frömdu glæp þegar þeir voru undir átján ára aldri að vera undanþegnir dauðarefsingu. Kína, Pakistan og Íran hafa á síðstu þremur árum tekið dæmda glæpamenn yngri en átján ára af lífi.
Verðbólga í evrulöndunum lækkar
Verðbólga í evrulöndunum tólf lækkaði í september. Hún mældist 1,8% á síðust tólf mánuðum en þetta er minnsti verðbólguhraði á evrusvæðinu frá því í mars 2004. Vegvísir Landsbankans greinir frá þessu og jafnframt að verðbólgan sé nú komin undir 2% viðmiðunarmörk Seðlabanka Evrópu.
