Duncan Ferguson stýrir Everton í leiknum gegn Chelsea í ensku úrvalsdeildinni á laugardaginn.
Marco Silva var rekinn úr starfi knattspyrnustjóra Everton í kvöld. Ferguson tekur við liðinu til bráðabirgða.
Ferguson er í guðatölu hjá stuðningsmönnum Everton en Skotinn skapstóri lék með liðinu á árunum 1994-98 og 2000-06.
Undanfarin ár hefur Ferguson verið í þjálfarateymi Everton.
Silva skilur við Everton í átjánda og þriðja neðsta sæti deildarinnar.
